පාර්ලිමේන්තු මැතිවරණයට ඉදිරිපත් වූ සියලු අපේක්ෂකයන් සහ පක්ෂ සිය ආදයම් වියදම් වාර්තා ලබන 06 වැනිදා මධ්යම රාත්රී 12.00ට හෝ ඊට පෙර ලබා දිය යුතු බව මැතිවරණ කොමිෂන් සභාව සඳහන් කරයි. අදාළ වාර්තා දේශපාලන පක්ෂවල ලේකම්වරුන් සහ ස්වාධීන කණ්ඩායම් නායකයන් විසින් වෙන වෙනම සකස් කර, ඒ ඒ අපේක්ෂකයින් තරග කරන ලද දිස්ත්රික්කවල තේරීම්භාර නිලධාරින් වෙත භාර දිය යුතු බවද සඳහන්.
ජාතික ලැයිස්තු අපේක්ෂකයින් සිය වියදම් වාර්තාව මැතිවරණ මහලේකම් කාර්යාලය වෙත ලබා දිය යුතු බව සඳහන්. සියලුම දිස්ත්රික්කවල මැතිවරණ වියදම් වාර්තා ලබා ගැනීම සඳහා සාමාන්ය රාජකාරි දිනවල පස්වරු 6.00 දක්වා විශේෂ ඒකක විවෘත තැබීමටයි කටයුතු කර ඇත්තේ.
එමෙන්ම දෙසැම්බර් මස 06 වැනිදා අදාළ ඒකකය මධ්යම රාත්රි 12.00 දක්වා විවෘතව තබන බව ද එම කොමිසම සඳහන් කළා. අදාළ වාර්තා නියමිත දිනට ලබා නොදීම නීතිවිරෝධි ක්රියාවකි. එවැනි පුද්ගලයින්ට එරෙහිව නීත්යානුකුලව කටයුතු කරනු බව ද මැතිවරණ කොමිෂන් සභාව වැඩිදුරටත් සඳහන් කළේය.
