විපක්ෂ නායක සජිත් ප්රේමදාස මහතා සහ ඔස්ට්රේලියානු මහකොමසාරිස් Mathew Duckworth මහතා අතර හමුවක් කොළඹ විපක්ෂ නායක කාර්යාලයේ දී අද (08) පැවැත්වින. අයහපත් කාලගුණයෙන් පීඩාවට පත් ජනතාවට සහන සැලසීම සඳහා ජාත්යන්තර සහය ලබා ගැනීමේ අරමුණෙන් එම හමුව පැවැත්වින.
සුළි කුණාටුව සමග ඇති වූ ආපදා තත්ත්වය නිසා ව්යාපාර බිඳ වැටීම, ජන ජීවිත කඩා වැටිම, යටිතල පහසුකම් රැසක් විනාශ වී තිබෙන බැවින් , එකී යටිතල පහසුකම් නැවත ස්ථාපිත කර ජන ජීවිත යථා තත්ත්වයට පත් කිරීමට සහයෝගය ලබා දෙන ලෙස ඔස්ට්රේලියානු මහකොමසාරිිස්වරයාගෙන් විපක්ෂ නායක සජිත් ප්රේමදාස මහතා ඉල්ලා සිටියේය.
එසේම මේ අවස්ථාවෙ අප රට වෙනුවෙන් ඔස්ට්රේලියානු ජනරජය විසින් ලබාදුන් ආධාර සහ සහන සේවා වෙනුවෙන් ද සමස්ත ශ්රී ලාංකිකයන් වෙනුවෙන් සිය ස්තූතිය ඔස්ට්රේලියානු රජය සහ ජනතාව වෙත පිරිනැමීමට විපක්ෂ නායක සජිත් ප්රේමදාස මහතා මෙහි දි කටයුතු කළේය.
