ඇවිදීමේ යම් අපහසුතාවකින් පෙළෙන ඇතෙකු පිළිබඳව ලද තොරතුරකට අනුව මහවිලච්චිය වනජීවි කාර්යාලයේ නිලධාරීන් එම ඇතා සිටින ස්ථානයට ගොස් ප්රතිකාර ආරම්භ කර තිබේ.
අනුරාධපුර කලාප භාර වනජීවි පශුවෛද්ය චන්ද ජයසිංහ මහතා හා වනජීවි පශු වෛද්ය උදේශිකා මදුවන්ති ඇතුලු වනජීවි නිලධාරීන් ඒ සඳහා මැදිහත් ව සිටිති.
පවතින අයහපත් කාලගුණය හේතුවෙන් එම කණ්ඩායම ඇතා සිටින රක්ෂිත ප්රදේශයට ළඟා වීමට හා ප්රතිකාර කටයුතු වලට දැඩි බාධාවක් සිදුව ඇත.
වයස අවුරුදු 25-30 අතර පසුවන වූ මෙම ඇතාගේ ඉදිරි දකුණු පාදය තරමක ඉදිමීමක් පෙන්නනුම් කර ඇති අතර ඒ හේතුවෙන් දිගු දුරක් ඇවිද යෑමට නොහැකි වී ඇති බවත්, වෙඩි පහරකින් සිදූ වූ හානියක්ද කියා තහවුරු වී නොමැති බවත් පශූ වෛද්යවරු සඳහන් කරති. .
