නුවරඑළිය ගොවීන්, එළවලු අස්වැන්න අලෙවි කිරිමෙන් සහ ප්රවාහනය කිරිමෙන් වැළකී සිටින බවත්, ඒ අනුව ආණ්ඩුවට විරෝධය දැක්වීමක් වශයෙන් නුවරඑලියේ එළවලු ගොවීන් සහ එළවලු ගොවිතැනේ නියැලී සිටින සියලුම පාර්ශ්ව ඊයේ (09) දින තම දෛනික කටයුතු වලින් ඉවත් වු බව නුවරඑලිය දිස්ත්රික් ගොවි සංවිධානයේ සභාපති තරිදු රත්නායක මහතා පැවසීය.
රටේ අල ගොවීන් සහ බී ලූණු ගොවියන් තම අස්වැන්න අලෙවි කර ගැනීමට නොහැකිව සිටියදී ආනයනික අර්තාපල් සහ බී ලූණු සදහා දේශීය ගොවියා රැක ගැනීමට සරිලන බද්දක් අය නොකිරිමට විරෝධය දැක්වීමක් වශයෙන් මෙම ක්රියාමාර්ගයට එළබෙන බව තරිදු රත්නායක මහතා නුවරඑලියේ මාධ්ය හමුවක් පවත්වමින් පැවසීය.
මේ පිළිබඳ ජනාධිපතිවරයාගේ අවධානය යොමු කර කඩිනමින් විසදුමක් ලබා නොදෙන්නේ නම් ඉදිරියේදි මීට වඩා ගොවීන් එක් වී දැඩි තීරණයකට එළඹෙන බවයි නුවරඑළිය දිස්ත්රික් ගොවි සංවිධානයේ සභාපති තරිදු රත්නායක මහතා කියා සිටියේ.
