2025 වසරේ මේ දක්වා කාලය තුළ අලි ඇතුන් 400කට ආසන්න සංඛ්යාවක් මියගොස් ඇති බවත්, මෙය දැවැන්ත පාරිසරික ඛේදවාචකයක් බවත් කොළඹදී පැවති මාධ්ය හමුවකදී පාරිසරික විද්යාඥ ආචාර්ය අජන්තා පෙරේරා මහත්මිය ප්රකාශ කළාය.
ඇය අවධාරණය කළේ, බොහෝ විට ජනතාව අලියා සතුරෙකු ලෙස සලකන බවත්, එම සත්ත්වයාගේ සැබෑ වැදගත්කම සහ ශක්තිය පිළිබඳව ප්රමාණවත් අවබෝධයක් නොමැති බවත්ය.
පෙරේරා මහත්මිය පෙන්වා දුන්නේ, අලියා යනු ඉතා බුද්ධිමත් සතෙකු වන නමුත්, මිනිසුන් බොහෝ විට අලියාගේ බුද්ධිය සහ බලය හේතුවෙන් ඊට වෛර කරන බවයි. මෙම වෛරය හේතුවෙන් මිනිසුන් අලින්ට වෙඩි තැබීම් වැනි ක්රියා සිදුකරන බවද ඇය සඳහන් කළාය.
අලි ඇතුන් මියයන ප්රධාන හේතු ලෙස දුම්රිය අනතුරු, වෙඩි වැදීම්, වගා ළිංවලට වැටීම් සහ විදුලිසැර වැදීම් වැඩි වී ඇති බවද ඇය පැහැදිලි කළාය.
ඇයට අනුව, 2024 වසරේදී අලි ඇතුන් 478ක් මියගොස් ඇති අතර, සාමාන්යයෙන් වාර්ෂිකව අලි මරණ 200ත් 300ත් අතර ප්රමාණයක් වාර්තා වේ. කෙසේ වෙතත්, 2025 වසර අවසන් වන විට මෙම සංඛ්යාව 700-750 දක්වා ඉහළ යා හැකි බව ඇය අනතුරු අඟවයි.
ආචාර්ය පෙරේරා මහත්මිය අවධාරණය කළේ, වනජීවී දෙපාර්තමේන්තුව අලි ඇතුන්ට සිදුවන හිංසනයන් වැළැක්වීම සඳහා ක්ෂණිකව හා ඵලදායී ලෙස ක්රියාත්මක විය යුතු බවයි.
