විදුලි ගාස්තු සංශෝධන යෝජනාව අද (06) මහජන උපයෝගීතා කොමිසමට භාරදීමට නියමිත බව සඳහන්. විදුලිබල මණ්ඩලය විසින්, එකී සංශෝධනය සම්බන්ධයෙන් වන යෝජනාව මහජන උපයෝගීතා කොමිෂන් සභාවට භාරදීමටයි සැලසුම් කර ඇත්තේ.
වාර්ෂිකව අවස්ථා 04 කදී විදුලි ගාස්තු සංශෝධනය කළ යුතු බවට පසුගිය ආණ්ඩුව සමයේ යෝජනා කර තිබිණ. මේ අතර මෙම වසරේදී දෙවරක් හා පසුගිය වසරේදී අවස්ථා 03 කදී විදුලි ගාස්තු සංශෝධනය කර තිබෙනවා. කෙසේ වුවද අද ඉදිරිපත් කිරීමට නියමිතව ඇත්තේ ලබන වසරේ පළමු මාස 06 සඳහා වන ගාස්තු සංශෝධනයට අදාළ යෝජනාවයි.
