(UTV | කොළඹ) – කොරෝනා වසංගතයට එරෙහිව මෙහෙයුමේ යෙදී සිටින සෞඛ්ය කාර්ය මණ්ඩලවලට ශ්රී ලංකා රක්ෂණ සංස්ථාව විසින් “විරු අභිමන්” නමින් ලක්ෂ 15 ක රක්ෂණාවරණයක් ලබා දීමට කටයුතු කර ඇත.
ඒ අනුව මෙහිදී ජීවිත අහිමි වීමකදී රක්ෂණය හිමි දරුවන් සිටින සෞඛ්ය කාර්ය මණ්ඩල සේවකයාගේ පවුලකට ලක්ෂ 15 ක මුදලක් ද , දරුවන් නොමැති පවුලකට සහ අවිවාහක අයෙකුට ලක්ෂ 10 බැගින් ද ගෙවීමට කටයුතු කරනු ලබයි.
මෙමගින් ආවරණය වන සෞඛ්ය කාර්ය මණ්ඩලයට සෞඛ්ය අමාත්යාංශයේ නිලධාරීන්, වෛද්යවරුන්, හෙදියන්, උපස්ථායකයන්, රියදුරන්, සුළු සේවකයින්, මහජන සෞඛ්ය පරීක්ෂකවරුන්, ප්රාදේශීය සෞඛ්ය නිලධාරීන් සහ පරිපූරක හා අතුරු වෛද්ය සේවා ඇතුලු සියලු සෞඛ්ය කාර්ය මණ්ඩල වලට මෙම රක්ෂණ ක්රමය මගින් ආවරණය ලැබෙනු ඇති.
මෙරට ජනතාව වෙනුවෙන් අවධානම නොතකා සේවයේ යෙදෙන සෞඛ්ය සේවකයින් වෙනුවෙන් නොමිලේ පිරිනමනු ලබන ප්රථම සහ එකම රක්ෂණ ක්රමය මෙයයි.
මෙම රක්ෂණ වැඩපිළිවෙල යටතේ මුදල් අය කිරීමෙන් තොරව,රක්ෂණ සමාගමේ වෙන වෙනම ලියාපදිංචි වීමකින් තොරව ඒ ඒ තත්ත්වයන්ට මුහුණ දෙන සෞඛ්ය නිලධාරීන්ට සෞඛ්ය අමාත්යාංශයේ ඉල්ලීම මත ගෙවීම් සිදු කෙරෙනු ඇත.
