මන්නාරම අධිකරණය ඉදිරිපිටදී පසුගිය ජනවාරි මාසයේ සිදුවූ ද්වී පුද්ගල ඝාතනය සම්බන්ධයෙන් දෙදෙනෙකු අත්අඩංගුවට ගෙන තිබෙනවා.
මන්නාරම අධිකරණය ඉදිරිපිටදී පුද්ගලයන් දෙදෙනෙකුට වෙඩි තබා ඝාතනය කර තිබුණේ පසුගිය ජනවාරි 16 වනදායි.
මන්නාරම පොලිසිය මේ පිළිබඳ විමර්ශන සිදුකළා.
ඒ අනුව ලද තොරතුරක් මත සැකකරුවන් දෙදෙනෙකු අත්අඩංගුවට ගත් බව පොලිසිය පවසනවා.
උයිලංකුලම ප්රදේශයේ පදිංචිකරුවන් වන ඔවුන් 22 හැවිරිදි සහ 38 හැවිරිදි වියේ පසුවන්නන්.
තලෙයි මන්නාරම මාර්ගයේ ලැගුම්හලක් තුළ සැඟව සිට අපරාධය සැලසුම් කළ ප්රධාන සැකකරු ජීව අත්බෝම්බයක් සමග හා ඊට ආධාර අනුබල දුන් සැකකරුවෙකුයි මෙලෙස අත්අඩංගුවට ගෙන ඇත්තේ.
ඔවුන් වැඩිදුර විමර්ශන සඳහා මුරුන්කන් පොලිසියට භාර දී තිබෙනවා.
