ත්රිකුණාමලය සම්බෝධි විහාරස්ථානය ආසන්නයේ අද (17) අලුයම් කාලයේ උණුසුම්කාරී තත්ත්වයක් ඇති විය. ඒ එම විහාරස්ථානයට පොලිස් බල ඇති ඇතුළු වීමත් සමගයි.
ප්රදේශවාසීන් චෝදනා කරන්නේ එම විහාරස්ථානයේ තැබූ බුදු පිළිමයද පොලිසිය විසින් ඉවත් කිරීමට උත්සාහ දැරු බවය.
ඒ හේතුවෙන් ප්රදේශවාසීන් ඇතුළු පිරිස් රැස්වී ඊට විරෝධය පළ කිරීමත් සමග මෙම උණුසුම් තත්ත්වය ඇති විය.
එම විහාරස්ථානය එම ස්ථානයෙන් ඉවත් කිරීමට පොලිසිය උත්සාහ දරණ බවට ද ඔවුන් චෝදනා කරති.
එම විහාරස්ථානයේ හිමියන් සඳහන් කරන්නේ පූජා බිම භූමි ඔප්පුවක් යටතේ මෙම විහාරස්ථානය ස්ථාපිත කර ඇති බවයි.
එහිදී ඇති වූ උණුසුම් තත්ත්වය මත භික්ෂූන් වහන්සේලා ඇතුළු කිහිප දෙනෙකු රෝහල් ගත කර ඇත.
