විපක්ෂයේ පක්ෂ නායකයින් ඇතුළු විපක්ෂයේ පක්ෂ නියෝජිතයින් රැසක් හිටපු අමාත්ය මහාචාර්ය ජී.ඵල්. පීරිස් මහතාගේ නිවසට , අද (03) කැඳවා ඇති බව වාර්තා වේ.
නාරාහේන්පිට කිරුළ පාරේ පිහිටි ජී. එල්. පීරිස්ගේ නිවසට විශේෂ සාකච්ඡාවක් සඳහා මෙම කැඳවීම සිදුකර තිබෙන අතර විශේෂයෙන්ම වර්තමාන දේශපාලන තත්ත්වය සහ අලුතින් පැන ඇති දේශපාලන කාරණා කිහිපයක් පිළිබඳව සාකච්ඡා කිරීම වෙනුවෙන් මෙම කැඳවීම සිදුකර ඇතැයි විපක්ෂයේ නියෝජිතයෙක් සඳහන් කර සිටියේය.
මෙම මස 21 වෙනි දින නුගේගොඩදී පැවැත්වෙන ඒකාබද්ධ විපක්ෂයේ “මහා ජනහඬ” රැළිය සඳහා සහභාගිවීම සම්බන්ධයෙන් ද අද පැවැත්වෙන සාකච්ඡාවේදී දීර්ඝ වශයෙන් සාකච්ඡා කිරීමට නියමිත බවද වාර්තා වෙයි
