නියෝජ්ය අමාත්ය අරුණ ජයසේකරට එරෙහිව පාර්ලිමේන්තුවට ඉදිරිපත් කර ඇති විශ්වාසභංග යෝජනාව ලබන 21 වනදා පැවැත්වීමට නියමිත පක්ෂ නායක රැස්වීමේදී සාකච්ඡා කිරීමට ගන්නා ලෙස විපක්ෂයේ ප්රධාන සංවිධායක ගයන්ත කරුණාතිලක කථානායක ජගත් වික්රමරත්න ගෙන් ඉල්ලා ඇති බව වාර්තා වෙයි.
විශ්වාසභංග යෝජනාව පාර්ලිමේන්තුවේ ස්ථාවර නියෝගවලට අනුව ඉදිරිපත් කර ඇති බවත්, එය විවාදයට නොගන්නා බවට ආණ්ඩුව යම් යම් ප්රචාරයන් ගෙන ගියද, ඒ පිළිබඳව අවසන් තීරණය ගත යුත්තේ කථානායකවරයා බව කරුණාතිලක මන්ත්රීවරයා ප්රකාශ කළේය.. .
ඒ අනුව, මෙම කාරණය පක්ෂ නායක රැස්වීමේදී අනිවාර්යයෙන්ම සාකච්ඡා කළ යුතු බවත්, ආණ්ඩු පක්ෂය ඉදිරිපත් කරන තර්කවලට ප්රතිචාර දැක්වීමට විපක්ෂය සූදානම් බවත් ගයන්ත කරුණාතිලක මන්ත්රීවරයා ප්රකාශ කළේය.
