වෙඩි තබා ඝාතනය කරන ලද වන අලි දෙදෙනකුගේ සිරුරු කහටගස්දිගිලිය, පැරකුම්පුර, වහගහපු වැව පිහිටි හේන් ඉඩමක තිබී හමුවී ඇතැයි පොලීසිය කියයි.
මීට මාස එකහමාරකට පමණ ඉහත දී මෙම වන අලි දෙදෙනා මියගොස් ඇති බවට මූලික විමර්ශනවලදී අනාවරණය වී තිබේ.
මියගොස් ඇත්තේ වයස අවුරුදු 5-10 අතර වයසැති ඇතින්නක් සහ අලියෙකු වන අතර අනුරාධපුර පණ්ඩුල වැව වනජීවී පශු වෛද්ය නිලධාරිවරයා විසින් සිරුරු සම්බන්ධයෙන් පශ්චාත් මරණ පරීක්ෂණය කළ අතර, වෙඩි වැදීමෙන් අලි දෙදෙනා මියගොස් ඇති බවට එහිදී අනාවරණය වී ඇත.
