රට පුරා සිදුවන ඝාතන, ජාතික ආරක්ෂාවට විශාල ගැටලුවක් වුවත් ජනාධිපතිවරයා එය ගැටලුවක් නොවන බවට සඳහන් කර ඇති නමුත් පාතාල කල්ලි අතර සිදුවන මෙම ඝාතන සංස්කෘතිය ක්රියාත්මක වීම ජාතික ආරක්ෂාවට ගැටලුවක් බව විපක්ෂ නායක සජිත් ප්රේමදාස මහතා අද (24) පාර්ලිමේන්තුවේදී ප්රකාශ කළේය.
පසුගිය 18 සහ 21 අතර දින 4 තුළ මිනිස් ඝාතන 8ක් සිදුව ඇති බවත් විපක්ෂ නායක සජිත් ප්රේමදාස මහතා සඳහන් කළේය. එදා අධිකරණයේ සිදුවූ මිලේඡ්ච මිනිමැරුම සිදුවන විට එයට සම්බන්ධ කාන්තාවගේ වර්ණ ඡායාරූපයන් ඇතුළත් බුද්ධි අංශ වාර්තාව මාධ්ය වාර්තා කළ අතර මෙය බරපතල ගැටලුවක් බවත් ජාතික ආරක්ෂාව ගැන තොරතුරු ලැබී තිබියදී මෙවැනි ආරක්ෂක බිඳවැටීමක් ගැන පැහැදිලි විස්තරයක් සිදු කරන ලෙසයි විපක්ෂ නායකයා ආණ්ඩුවෙන් ඉල්ලා සිටියේය.
මිලේච්ඡ මිනිමරුවන්ගේ මේ ක්රියාදාම දැඩි ගැටලුවක් බැවින් බුද්ධි තොරතුරු ලැබුණු පසු මීට වඩා විධිමත් වැඩපිළිවෙළක් යොදන ලෙස ද ඔහු ඉල්ලා සසිටියේය.
