උඩරට මාර්ගයේ දුම්රිය ධාවනය කොළඹ කොටුව සිට ඇල්ල දුම්රිය ස්ථානය දක්වා පමණක් සිදු කරන බව, ශ්රී ලංකා දුම්රිය දෙපාර්තමේන්තුව සඳහන් කරයි. දුම්රිය මාර්ගය ආශ්රිතව සිනමාපටයක් රූගත කිරීම සඳහා ඔක්තෝබර් 09 දා සිට 15 දක්වා දුම්රිය මාර්ගය වසා දමන බව දුම්රිය දෙපාර්තමේන්තුව සඳහන් කරයි.
ඇල්ල සහ දෙමෝදර අතර පිහිටි ආරුක්කු නවය පාලම මත ඉන්දු ශ්රි ලංකා ඒකාබද්ධ සිනමා පටයක් රූගත කිරීම සඳහා දුම්රිය මාර්ගය වසා දැමේ. ඒ අනුව මෙම දිනයන්හිදි පෙරවරු 7.30 සිට පස්වරු 5.30 දක්වා කොළඹ කොටුව සිට ඇල්ල දුම්රිය ස්ථානය දක්වා පමණක් දුම්රිය ධාවනය කරන බවද දුම්රිය දෙපාර්තමේන්තුව සඳහන් කරයි.
