(UTV | කොළඹ) –
ආසියානු ක්රිකට් 20-20 කාන්තා ක්රිකට් තරඟාවලියේ මැලේසියාවට එරෙහි තරඟය ලකුණු 144 කින් ශ්රී ලංකා කාන්තා කණ්ඩායම ජයගත්හ. තරගයේ කාසියේ වාසිය ජයග්රහණය කළ ශ්රී ලංකා කාන්තා කණ්ඩායම පළමුව පන්දුවට පහර දීමට තීරණය කළේය.ඒ අනුව නියමිත පන්දුවාර 20 අවසානයේ කඩුලු 4ක් දැවී ලකුණු 184ක් රැස් කර ගැනීමට සමත් වුණි.
එහිදී චමරි අතපත්තු නොදැවී පන්දු 65කින් ලකුණු 119ක් සහ අනුෂ්කා සංජීවනී ලකුණු 31ක් රැස් කළාය. චමරි අතපත්තු ලබාගත් 20-20 තරඟවලදී ලබාගත්, තෙවැනි ශතකය මෙයයි. චමරි අතපත්තුගේ ශතකයට දැවැන්ත හයේ පහර 07ක් සහ හතරේ පහර 14ක් ඇතුළත් විය.
ලකුණු 185ක ජයග්රාහී ඉලක්කයක් හඹා යාමට පිටියට පිවිසි මලයාසියානු කාන්තා කණ්ඩායම පන්දුවාර 19යි පන්දු 5ක් අවසානයේ සියලුදෙනා දැවී රැස් කළේ ලකුණු 40ක් පමණි. පන්දු යැවීමේදී ශෂිනි ගිම්හානි කඩුලු 03ක් දවාගත්තාය
