(UTV | කොළඹ) –
දැයේ දූ දරුවන්ගේ අධ්යාපනය නඟා සිටුවීම වෙනුවෙන් ජනාධිපති රනිල් වික්රමසිංහ මහතාගේ සංකල්පයකට අනුව ක්රියාත්මක ” ජනාධිපති ශිෂ්යත්ව 2024 ” වැඩසටහන යටතේ 2024 වර්ෂය සඳහා ශිෂ්යත්ව 116,000ක් පිරිනැමීමට නියමිතව තිබෙනවා.
අ.පො.ස උසස් පෙළ හදාරන ශිෂ්ය ශිෂ්යාවන් 6000 වෙනුවෙන් මාසයකට රුපියල් 6000/- බැගින් මාස 24 ක කාලයක් සඳහා ලබාදෙනු ලබන ශිෂ්යත්ව වැඩසටහන සඳහා රුපියල් මිලියන 824ක් වෙන් කර ඇති අතර 1 ශ්රේණියේ සිට 11 වන ශ්රේණිය දක්වා සිසුන් 100,000ක් වෙනුවෙන් මසකට රුපියල් 3000/- බැගින් මාස 12ක කාලයක් සඳහා ලබා දෙනු ලබන ශිෂ්යත්ව වැඩසටහන සඳහා වෙන් කර ඇති මුදල රුපියල් මිලියන 3600ක් වන බව සඳහන්.
පිරිවෙන් හා සීලමාතා අධ්යාපන ආයතනවල ඉගෙනුම ලබන ශිෂ්ය භික්ෂූන් වහන්සේලා, සීල මාතාවන් හා ගිහි ශිෂ්යයන් වෙනුවෙන් පිරිනමනු ලබන ශිෂ්යත්ව වැඩසටහන වෙනුවෙන් රුපියල් මිලියන 288ක් ද, අ.පො.ස (උ/පෙළ) තොරතුරු හා සන්නිවේදන තාක්ෂණය විෂයයක් ලෙස හදාරන ශිෂ්ය ශිෂ්යාවන් වෙනුවෙන් විදුලි සංදේශ නියාමන කොමිෂන් සභාව සහ ජනාධිපති අරමුදල ඒකාබද්ධව පිරිනමනු ලබන ශිෂ්යත්ව වැඩසටහන සඳහා රුපියල් මිලියන 720ක්ද වෙන් කර තිබෙනවා.
ඒ අනුව දැනට ක්රියාත්මක වන ශිෂ්යත්ව වැඩසටහන්වලට අමතරව මෙම ශිෂ්යත්ව වැඩසටහන් සඳහා රුපියල් මිලියන 5000 කට අධික මුදලක් ශිෂ්ය ශිෂ්යාවන් වෙනුවෙන් ලබා දීමට නියමිතව ඇති බවයි ජනාධිපති මාධ්ය අංශය සඳහන් කළේ.
