(UTV | ඉන්දියාව) – කොරෝනා මර්දන එන්නත ජනතාවට ලබාදීම සම්බන්ධ මූලික පෙරහුරුවක් ඉන්දියාවේ සියලුම ප්රාන්තවල අද (02) සිදුකෙරෙනු ඇත.
ඒ ඔක්ස්ෆර්ඞ් එන්නතට එරට විශේෂඥ කමිටුවක් විසින් ඊයේ දිනයේදී මූලික අනුමැතිය දීමෙන් අනතුරුවයි.
මීට පෙර පසුගිය 28 – 29 දිනවලදී ඇසෑම් , අන්ද්රා ප්රදේශ් , පංජාබ් සහ ගුජරාට් ප්රාන්තවලදීද මෙවැනිම මූලික පෙරහුරු සිදුකරනු ලැබීය.
අද දිනයේදී ඉන්දියාව පුරා පුද්ගලයන් 96,000 ක් යොදා ගනිමින් මෙම එන්නත්කරණ අත්හදා බැලීම සිදුකෙරෙන බව ද ඉන්දීය මාධ්ය වාර්තා කරයි.
කෙසේවෙතත් මෙහිදී සැබෑ වශයෙන් එන්නත් කිරීමක් සිදු නොවන අතර සැබෑ එන්නත්කරණ වැඩපිළිවෙල ආරම්භ කිරීමෙන් පසු උද්ගතවිය හැකි ගැටලු සඳහා විසඳුම් සෙවීම පමණක් සිදුකෙරෙයි.
