(UTV | කොළඹ) – අද (21) දිනයේ සිට මෙරටින් පිටව යන ඕනෑම ශ්රී ලාංකිකයෙකුට ස්වයං නිරෝධායනයට ලක්වීමකින් තොරව එක්සත් රාජධානියට ඇතුළු වීමේ අවස්ථාව හිමිව තිබේ.
ඒ අනුව එරට වේලාවෙන් අද අලුයම 4 සිට ශ්රී ලාංකිකයින්ට ස්වයං නිරෝධායට ලක්වීමකින් තොරව එරටට ඇතුළු වීමේ අවස්ථාව පවතිනු ඇත..
එක්සත් රාජධානිය විසින් ස්වයං නිරෝධායනයෙන් තොරව සිය රටට ඇතුළු විය හැකි රාජ්යයන් ඇතුළත් ලැයිස්තුවට ශ්රී ලංකාව ද එක්කිරීම හේතුවෙන් මෙම අවස්ථාව හිමිව තිබේ.
ශ්රී ලංකාවට අමතරව එක්සත් රාජධානිය විසින් ඊශ්රායලය සහ උරුගුවේ යන රටවල් ද එංගලන්ත ආරක්ෂිත සංචාරක ලැයිස්තුවට ඇතුළත් කර තිබෙන අතර , නැබීබියාව, රුවන්ඩාව, බොනයා ශාන්ත යුස්ටේටියස් සහ සාබා, උතුරු මරියානා, මෙන්ම එක්සත් ජනපද වර්ජින් දූපත්වලට සංචාරකයින්ට අද දිනයේ සිට එංගලන්තයට පැමිණිමේදී නිරෝධායන ක්රියාවලියකට ලක්වීමට අවශ්ය නොවනු ඇති බව වාර්තා වේ.
