අධ්යාපන ප්රතිසංස්කරණ යටතේ හඳුන්වා දී ඇති 6 ශ්රේණියේ ඉංග්රීසි භාෂා මොඩියුලයේ සඳහන් නුසුදුසු යොමු කිරීම් සම්බන්ධයෙන් ආණ්ඩුව සමඟ සාකච්ඡා කිරීමට කිසිවක් නොමැති බව ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ මහතා ප්රකාශ කරයි..
රජයේ වෛද්ය නිලධාරීන්ගේ සංගමය (GMOA) විසින් සංවිධානය කරන ලද බෞද්ධ ආගමික වැඩසටහනකට සහභාගී වීමෙන් පසු මාධ්ය අමතමින් මන්ත්රී නාමල් රාජපක්ෂ මහතා චෝදනා කළේ මතභේදාත්මක අන්තර්ගතය මොඩියුලයට ඇතුළත් කිරීම සම්බන්ධයෙන් වගකිව යුත්තේ කවුරුන්ද යන්න අගමැතිනි හරිනි අමරසූරිය අදාළ විෂය අමාත්යවරයා ලෙස දැන සිටි බවයි. 6 ශ්රේණියේ ඉංග්රීසි පෙළපොතට වැරදි කරුණු ඇතුළත් කර ඇති බවට ඇය පිළිගෙන ඇති බවත් ඔහු තවදුරටත් කියා සිටියේය.
ශ්රී ලංකා පොදුජන පෙරමුණ ලෙස, ශ්රී ලංකා සංස්කෘතියට හානි කිරීමට ගන්නා උත්සාහයන්ට එරෙහිව පෙනී සිටි අතර අපේ රටට අදාළ නොවන අධ්යාපන ප්රතිසංස්කරණ අඅවශ්ය නැහැ. .
ශ්රී ලංකාවට අධ්යාපන ප්රතිසංස්කරණ අවශ්ය බවත් ඕනෑ වන්නේ විදේශ රටවලින් පිටපත් කරන ලද ප්රතිසංස්කරණ නොව, අපේම සමාජ හා සංස්කෘතික සන්දර්භයට ගැලපෙන අධ්යාපන ප්රතිසංස්කරණ බව නාමල් රාජපක්ෂ මහතා ප්රකාශ කළේය.
වත්මන් ආණ්ඩුව හැමවිටම කරන්නේ පෙර පරිපාලනය මත දොස් පැවරීම පමණක් බව නාමල් රාජපක්ෂ වැඩිදුරටත් පැවසීය.
