ආණ්ඩුව පත්වී මාස 9ක් ගත වී ඇතත් ලුණු ප්රශ්නය විසඳා ගැනීමට නොහැකි වී ඇති බව සමඟි ජන බලවේගයේ පාර්ලිමේන්තු මන්ත්රිනී චමින්ද්රානි කිරිඇල්ල මහත්මිය පාර්ලිමේන්තු විවාදයට එක්වෙමින් පැවසුවාය.
ඉන්දියන් සාගරයෙන් වට වෙලා තියෙන ශ්රී ලංකාවට ලුණු ආනයනය කිරීමට සිදුවීම ඇත්ත වශයෙන්ම කණගාටුවට කරුණක් බවයි ඇය සඳහන් කළේ. මේ අතර ආනයනික ලුණු පැකට්ටුවක්ද රු. 120ට ලබා දීමේ හැකියාව පවතින විට එය රු.320 වැනි ඉහළ මිලක් දක්වා වැඩි වී ඇති බවද ඇය පෙන්වා දුන්නාය.
ඒ අනුව ලුණු ප්රශ්නය සඳහා කඩිනම් පියවරක් ගන්නා ලෙසයි ඇය වැඩිදුරටත් අවධාරණය කළේ.
