උතුරු නැගෙනහිර වගේම දකුණේත්, සහජීවනය ගොඩනගා රට දියුණු කළ හැකි එකම නායකයා සජිත් ප්රේමදාස මහතා යැයි සමස්ත ලංකා මහජන කොංග්රසයේ නායක පාර්ලිමේන්තු මන්ත්රී රිෂාඩ් බදියුදීන් මහතා පවසයි. රිෂාඩ් බදියුදීන් මහතා කොළඹදී පැවති මාධ්ය හමුවකදී එම අදහස් පළ කළේය.
එහිදී අදහස් දැක්වූ බදියුදීන් මන්ත්රීවරයා මෙසේ ද කීවේය. උතුරේ වගේම දකුණේත්, ජනතාව ඉල්ලන නායකයා සජිත් ප්රේමදාස මහතායි. උතුරු නැගෙනහිර සහ දකුණේ දිස්ත්රික්ක ගණනාවක මැතිවරණ ප්රචාරක කටයුතුවල නිරතවෙද්දී සජිත් ප්රේමදාස මහතාට ඉතා ඉහළ ජන ප්රසාදයක් තියෙන බව තහවුරු වෙලා තියෙනවා. මෙවර ජනාධිපතිවරණයට ඉදිරිපත් ව සිටින අපේක්ෂකයින් අතරින්, රට ගොඩනැගිය හැකි එකම නායකයා සජිත් ප්රේමදාස මහතා බව, රටේ ජනතාව තේරුම්ගෙන තියෙනවා. ජනතාව අතර, සමගිය සහජීවනය ගොඩනගා රට දියුණු කළ හැකි නායකයා සජිත් ප්රේමදාස මැතිතුමා බව රටේම ජනතාව අවබෝධකරගෙන තියෙනවා. යැයි ද කීවේය.
