ශ්රී ලංකීය ජාතිය ඉදිරියට ගෙනයාම සඳහා ඩිජිටල් තාක්ෂණයේ විභවයන් උපයෝගී කරගැනීමට කාලය එළඹ ඇති බව ජනාධිපති රනිල් වික්රමසිංහ මහතා පවසයි.
ඒ අනුව ඩිජිටල් අලෙවිකරණ ක්ෂේත්රයේ ප්රමුඛ ගෝලීය ක්රියාකාරිකයකු බවට ශ්රී ලංකාව පරිවර්තනය කිරීමේ අවශ්යතාවය ද ජනාධිපතිවරයා අවධාරණය කර තිබේ.
ජාත්යන්තර ඩිජිටල් අලෙවිකරණ සමුළුව වෙත පණිවුඩයක් නිකුත් කරමින් ජනාධිපතිවරයා ඒ බව සඳහන් කර ඇත.
එහිදී ජනාධිපතිවරයා වැඩිදුරටත් පෙන්වා දී ඇත්තේ, පෙර නොවූ විරූ අභියෝග හමුවේ ශ්රී ලාංකිකයින්ගේ ඔරොත්තු දීමේ හැකියාව සහ අධිෂ්ඨානය පෙන්නුම් කර ඇති බවය.
