(UTV | පාකිස්ථානය) – පකිස්ථානයේ බලොකිස්ථාන් ප්රාන්තයට බලපෑ රික්ටර් මාපකයේ ඒකක 5.7 ක ප්රබල භූමිකම්පාවකින් පුද්ගලයන් 20 දෙනෙකු මියගොස් තිබෙනවා.
තවත් 150 කට ආසන්න පිරිසක් තුවාල ලබා ඇති බවයි විදෙස් වාර්තා සඳහන් කලේ.
සුන්බුන් අතර විශාල පිරිසක් සිරවී සිටින බැවින් මියගිය සහ තුවාල ලැබූවන් සංඛ්යාව තවත් ඉහළ යා හැකි බවටද ආපදා කළමණාකරණ අංශ අනාවැකි පළකරනවා.
අද අලුයම බලපෑ මෙම භූමිකම්පාවෙන් මියගිය පිරිස අතුරින් බහුතරයක් කාන්තාවන් සහ ළමුන් බව පකිස්ථාන වාර්තාවල සඳහන්.
