(උදයම්,ඉන්දියා) – තමිල්නාඩු මහ ඇමති ධුර අපේක්ෂිකා ශෂිකලා නටරාජන්ට වසර 4ක සිර දඩුවම් නියම වෙයි.
දුෂණ චෝදනා සම්බන්ධයෙන් වූ නඩුව අද පෙරවරුවේ ඉන්දීය ශ්රේෂ්ඨාධිකරණයේදී විභාගයට ගැනීමෙන් අනතුරුව ඇය එම චෝදනා වලට වරදකරුවී තිබේ.
අයථා ලෙස මුදල් ඉපයීම සම්බන්ධයෙන් වන චෝදනාවලට ඇය මෙලෙස වරදකාරිය වී තිබේ.
මෙම තීන්දුවත් සමඟ ඇයට තමිල්නාඩු මහඇමති ධුරයට පත්වීමට අවස්ථාවක් නොලැබෙන අතර , වසර 10ක් යන තුරු මැතිවරණ සඳහා ඉදිරිපත්වීමට ද අවස්ථාව හිමි වන්නේ නැත.
මේ අනුව ශෂිකලා නටරාජන්ට වහාම අධිකරණයට භාරවීමට ද සිදුවේ.
