ත්රිකුණාමලයේ සිද්ධිය සම්බන්ධයෙන් පූජ්ය බලන්ගොඩ කස්සප හිමි සහ ත්රිකුණාමලයේ කල්යාණවංශ තිස්ස හිමි රිමාන්ඩ් භාරයට පත් කරමින් නිකුත් කර තිබෙන නියෝගය බල රහිත කිරීමේ නියෝගයක් නිකුත් කරන ලෙස ඉල්ලා ඉදිරිපත් කරන රිට් පෙත්සමේ නියෝගය ප්රකාශ කිරීම අභියාචනාධිකරණය විසින් ලබන (03) වනදා දක්වා කල් තබනු ලැබීය.
මෙම නියෝගය අද (30) දින අභියාචනාධිකරණයේ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දුගෙන් සමන්විත අභියාචනාධිකරණ විනිසුරු මඩුල්ල විසින් ප්රකාශයට පත් කිරීමට නියමිතව තිබුණි.
එහෙත් අභියාචනාධිකරණයේ සභාපති විනිසුරුවරයා නිවේදනය කළේ මෙම නඩු නියෝගය සූදානම් නොමැති බවයි. ඒ අනුව මෙම නියෝගය ලබන (03) වනදා ප්රකාශයට පත්කරන බව විනිසුරුවරයා නිවේදනය කළේය.
