ත්රිකුණාමල බන්ධනාගාරයේ රඳවා සිටින වනවාසී බලංගොඩ කස්සප හිමියෝ අද (15) දහවල් ආහාරය වැළඳීම ප්රතික්ෂේප කර ඇති බව බන්ධනාගාරය මගින් ත්රිකුණාමලය වරාය පොලිසියට දැනුම් දී තිබෙනවා.
ත්රිකුණාමලය කොටුව වෙරළ කලාපය තුළ අනවසර ඉදිකිරීමක් සිදුකර බුදුපිළිමයක් තැන්පත් කිරීමේ සිද්ධියට අදාළව අධිකරණය මගින් ඊයේ (14) බන්ධනාගාර ගත කෙරුණු කස්සප හිමියන් අද (15) දින දිවා ආහාරය ප්රතික්ෂේප කළ බව බන්ධනාගාරය දුරකතන ඇමතුමක් මගින් දැනුම් දී ඇතැයි ත්රිකුණාමලය වරාය පොලිසිය පැවසුවා.
මේ අතර කරුණු කිහිපයක් මුල් කරගනිමින් පූජ්ය බලංගොඩ කස්සප හිමි බන්ධනාගාරය තුළ මාරාන්තික උපවාසයක් ආරම්භ කර තිබෙන බව උන්වහන්සේගේ සමාජ මාධ්ය පිටුවේ සටහනක් තබා තිබුණි.
