දක්ෂිණ අධිවේගී මාර්ගයේ 168 කිලෝමීටර කණුව ආසන්නයේදී විදෙස් ජාතිකයින් රැගත් සුඛෝපභෝගී වෑන් රථයක් කුඩා ලොරි රථයක ගැටී අද (15) පස්වරු 4ට පමණ සිදුවූ අනතුරකින් විදෙස් ජාතික කාන්තාවන් දෙදෙනෙකු ඇතුළු පස්දෙනෙකු තුවාල ලබා ඇතැයි පොලීසිය කියයි.
විදෙස් ජාතිකයින් රැගත් සුඛෝපභෝගී වෑන් රථය මත්තල දෙස සිට බෙලිඅත්ත දෙසට ධාවනය කරමින් තිබූ කුඩා ප්රමාණයේ ලොරියේ පිටුපස ගැටී මෙම අනතුර සිදුව ඇත.
අනතුරින් ලොරි රථයේ කොටසක් ගැලවී අධිවේගී මාර්ගයෙන් පිටතට විසිවී ගොස් ඇති බව අප වාර්තාකරු පැවසීය.
පොලිස් විශේෂ කාර්ය බළකායට අයත් ගිලන් රථයකින් තුවාලකරුවන් තංගල්ල මූලික රෝහලට ඇතුළත් කර ඇත.
