වලංගු රියදුරු බලපත්රයක් නොමැතිව යතුරු පැදියක් ධාවනය කළ පුද්ගලයෙකුට සහ එම යතුරු පැදිය ලබා දුන් පුද්ගලයාට එරෙහිව නීතිය මගින් කටයුතු නොකර සිටීමට රුපියල් 10,000 ක මුදලක් අල්ලස් වශයෙන් ලබාගත් පොලිස් සැරයන්වරයෙකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව ප්රකාශ කරයි.
මෙලෙස අත්අඩංගුවට ගෙන ඇත්තේ කින්නියා පොලිසියේ රාජකාරී කරනු ලබන පොලිස් සැරයන්වරයෙක්. කින්නියා ප්රදේශයේ පුද්ගලයෙකු විසින් කරන ලද පැමිණිල්ලකට අනුව මෙම විමර්ශන ආරම්භ කර තිබුණා.
ඒ අනුව සිදුකළ විමර්ශන වලට අනුව සැකකාර පොලිස් සැරයන්වරයා විසින් කින්නියා බුහාරි හන්දිය ප්රදේශයේදී අල්ලස් මුදල ලබා ගැනීමට යාමේදී අල්ලස් හෝ දූෂණ චෝදනා විමර්ශනය කොමිෂන් සභාවේ නිලධාරීන් විසින් අත්අඩංගුවට ගෙන තිබෙනවා.
