ශ්රී ලංකාව සම්බන්ධයෙන් ජාත්යන්තර මූල්ය අරමුදල විස්තීරණ ණය පහසුකම් වැඩසටහනේ සිව්වන සමාලෝචනයට අදාළ කාර්යමණ්ඩල මට්ටමේ එකඟතාවයට කඩිනමින් ළඟාවීමට අපේක්ෂා කරන බව ජාත්යන්තර මූල්ය අරමුදල පවසයි.
එහි සන්නිවේදන දෙපාර්තමේන්තුවේ අධ්යක්ෂිකා ජුලි කොසැක් පෙන්වා දෙන්නේ ඒ සඳහා ශ්රී ලංකාව විසින් ජාත්යන්තර මූල්ය අරමුදලේ එකඟතා සම්පූර්ණ කළ යුතුව ඇති බවය.
ඇය මේ බව සඳහන් කළේ සති පතා පැවැත්වෙන ජාත්යන්තර මූල්ය අරමුදලේ තීරණ දැනුම්දීමේ මාධ්ය සාකච්ඡාවේදීය.
අදාළ කාර්යමණ්ඩල මට්ටමේ එකඟතාවයට එළඹීම සඳහා ශ්රී ලංකාව විසින් සම්පූර්ණ කළ යුතු ප්රධාන කරුණු 2ක් අවධාරණය කරන ජුලි කොසැක් වැඩිදුරටත් සඳහන් කරන්නේ, පිරිවැය ආවරණය වන විදුලිය මිලකරණය නැවත ස්ථාපිත කිරීම සහ ස්වයංක්රීය විදුලි මිල ගැළපුම් යාන්ත්රණයේ නිසි ක්රියාකාරිත්වය සහතික කිරීමට ශ්රී ලංකා රජය කඩිනමින් කටයුතු කරනු ඇතැයි අපේක්ෂා කරන බවය.
