බලශක්ති ගිවිසුම හරහා ත්රිකුණාමල නගරය ගෙඩිය පිටින් ඉන්දියාවට දීම සඳහා ගිවිසුමක් අත්සන් කර ඇතැයි ජන අරගල ව්යාපාරයේ සංවිධායක වසන්ත මුදලිගේ මහතා සඳහන් කරයි. ත්රිකුණාමල නගරයත් එහි තෙල් ටැංකි හැට එකකුත් වරායත් ලබාදීම සඳහා ගිවිසුම්ගත වී ඇතැයි බරපතල සැකයක් ඇතැයි හෙතෙම කීවේය.
එක බිම් අඟලක් විකුණන්නේ නැති බව කියමින් බලය ලබාගත් ආණ්ඩුවක් මෙම කටයුතු සිදු කරමින් සිටින බවද ඔහු චෝදනා කළේය. ජන අරගල සන්ධානයේ පළාත් පාලන මැතිවරණයේ ජන හමුවක් අමතමින් හෙතෙම ඒ බව ප්රකාශ කළේය.
