මෙරට ඉන්දීය මහකොමසාරිස් සන්තෝෂ් ජා මහතා සහ සමගි ජන බලවේගයේ නායක සහ විපක්ෂ නායක සජිත් ප්රේමදාස මහතා අතර විශේෂ හමුවක් කොළඹ පිහිටි ඉන්දීය මහකොමසාරිස් කාර්යාලයේ දී ඊයේ (16) පැවැත්වින.
මෙහි දී දෙපාර්ශ්වය අතර ආර්ථික, සමාජීය හා දේශපාලන කරුණු රැසක් සම්බන්ධයෙන් සාකච්ඡා කර ඇත. ළඟම අසල්වැසියා ලෙස දශක ගණනාවක් පුරා ඉන්දීය රජය ශ්රී ලංකාවට ලබා දෙන සහයෝගය සම්බන්ධයෙන් විපක්ෂ නායක සජිත් ප්රේමදාස මහතා සිය ස්තූතිය පළ කර සිටි අතර අප රටේ පවතින ආර්ථික අර්බුදය ජය ගෙන බංකොලොත්භාවයෙන් මිදීමට අවශ්ය සහයෝගය ඉදිරියටත් ලබා දෙන ලෙස ද ඉන්දීය මහකොමසාරිස්වරයාගෙන් ඉල්ලා සිටි බවයි විපක්ෂ නායක කාර්යාලය සඳහන් කරයි
