නව යුද හමුදාපතිවරයා ලෙස මේජර් ජෙනරාල් ලසන්ත රොද්රිගු මහතා පත්කිරීමට නියමිත බව වාර්තා වේ. ඒ අනුව, ඔහුගේ නම අද දිනයේ දී ප්රකාශයට පත් කිරීමට නියමිත බවයි, රජයේ ආරංචි මාර්ග සඳහන් කළේ.
වත්මන් යුද හමුදාපති මේජර් ජෙනරාල් විකුම් ලියනගේ මහතා මේ වන විට ඔහුගේ දෙවන සේවා දිගුවේ කටයුතු කරමින් සිටින අතර ඔහුට තවත් සේවා දිගුවක් ලබා නොදී විශ්රාම ගැන්වීමට තීරණය කිරීමත් සමග යුද හමුදාපති ධූරය සඳහා යුද හමුදාවේ මාණ්ඩලික ප්රධානී මේජර් ජනරාල් දිනේෂ් නානායක්කාර හා ගජබා රෙජිමේන්තුවේ මේජර් ජනරාල් චන්දන වික්රමසිංහ සටනක සිටියේය.
එහෙත් යුද හමුදාපතිවරයා ලෙස මේජර් ජනරාල් ලසන්ත රොද්රිගු මහතා පත් කිරීමට ජනාධිපතිවරයා තීන්දු කර ඇතැයි වාර්තා වේ. මේජර් ජෙනරාල් ලසන්ත රොද්රිගු මහතා ශ්රී ලංකා යුද හමුදාවේ නියෝජ්ය මාණ්ඩලික ප්රධානීවරයා ලෙස කටයුතු කළේය. ඒ අනුව, ඔහු ශ්රී ලංකා යුද හමුදාවේ 25 වන යුද හමුදාපතිවරයා ලෙස පත්වීම් ලැබීමට බොහෝ දුරට ඉඩ තිබේ.
