මන්නාරම ප්රාදේශීය ලේකම් කොට්ඨාසයේ මත්පැන් අලෙවිසැලක් පවත්වාගෙන යාම සඳහා නිකුත් කර තිබුණු බලපත්රයක් අත්හිටුවමින් සුරාබදු කොමසාරිස් ජනරාල්වරයා විසින් නිකුත් කර ඇති ලිපියක් ක්රියාත්මක කිරීම වළක්වාලමින් අතුරු තහනම් නියෝගයක් අභියාචනාධිකරණය විසින් නිකුත් කර තිබේ.
අදාළ මත්පැල් අලෙවිසැලේ හිමිකරු වන ජයන්ත තිරිමාන්න විසින් ගොනුකර තිබූ පෙත්සමක් ඊයේ (29) සලකා බැලූ අවස්ථාවේදී එම නියෝගය නිකුත් කෙරිණ. සුරාබදු කොමසාරිස් ජනරාල්වරයා, මන්නාරම ප්රාදේශීය ලේකම්වරයා ඇතුළු පිරිසකට නොතීසි නිකුත් කරන ලෙසද අභියාචනාධිකරණය නියෝග කළේය.
