ඊශ්රායලයේ සිටින ශ්රී ලාංකීකයන් ට, සිය ආරක්ෂාව සම්බන්ධයෙන් දැඩි අවධානයෙන් කටයුතු කරන ලෙස ශ්රී ලංකා තානාපති කාර්යාලය උපදෙස් දී තිබේ. ගමන් බිමන් අවම කර රැකියා ස්ථානයේ සිටින ලෙසට උපදෙස් දී තිබේ.
ඊශ්රායලය විසින් ඉරානයේ තෝරාගත් ස්ථාන කිහිපයක් වෙත මිසයිල ප්රහාර එල්ල කර ඇති බව විදේශීය මාධ්ය වාර්තා කර තිබේ. ඒ හේතුවෙන් මැදපෙරදිග කලාපයේ යළිත් නොසන්සුන් තත්ත්වයක් උද්ගතවෙමින් ඇතැයි සඳහන්.
මෙම තත්ත්වය ඉදිරියේදී තවදුරටත් වර්ධනය වනු ඇතැයි, ඊශ්රායලයේ ශ්රී ලංකා තානාපති නිමල් බණ්ඩාර මහතා සඳහන් කරයි. ඒ අනුව ඊශ්රායලයේ සිටින ශ්රී ලාංකිකයන් එල්ලවිය හැකි ඩ්රෝන හා මිසයිල ප්රහාර පිළිබඳව අවධානයෙන් සිටින ලෙසට දැනුම්දී තිබේ. ඉරාන, ඉරාක, ලෙබනන්, සිරියා හා ඊශ්රායිල් ගුවන් සීමාවල ගුවන්යානා ගමන් නොකරන තත්ත්වයක් පවතින බවයි ඔහු වැඩිදුරටත් පෙන්වා දෙයි.
