මැදපෙරදිග කලාපයේ උද්ගත වී ඇති ගැටුම්කාරී තත්ත්වය හමුවේ එහි රැඳීසිටින ශ්රී ලාංකිකයින්ගේ ආරක්ෂාව සම්බන්ධයෙන් වැඩි අවධානයක් යොමුකර ඇතැයි විදේශ කටයුතු අමාත්යාංශය පවසයි. මැදපෙරදිග කලාපයේ රැඳී සිටින ශ්රී ලාංකිකයින් පිළිබඳ සොයා බැලීමට තානාපති කාර්යාල නිලධාරීන් කටයුතු කර තිබේ.
කෙසේ වෙතත් ප්රහාර හේතුවෙන් කිසිදු ශ්රී ලාංකිකයෙකුට හානියක් සිදුව ඇති බවට මේ වන තෙක් තොරතුරු අනාවරණය වී නොමැති බව ද විදේශ කටයුතු අමාත්යාංශය පැවසීය. එමෙන්ම ශ්රී ලංකාවට පැමිණීමට බලාපොරොත්තු වන පුද්ගලයින්ට අවශ්ය පහසුකම් සැලසීම සඳහා කටයුතු කරන ලෙස ද තානාපති කාර්යාල දැනුවත් කර ඇති බව ද සඳහන්. කෙසේ වෙතත් මේ දක්වාත් කිසිදු ශ්රී ලාංකිකයෙකු යුධ ගැටුම් හේතුවෙන් මෙරටට පැමිණිය යුතු බවට ඉල්ලීමක් කර නොමැති බව විදේශ කටයුතු අමාත්යාංශය සඳහන් කරයි.
