පොහොට්ටුවේ මතයට විරුද්ධවී වෙනත් අපේක්ෂකයන්ට සහය දක්වන සාමාජිකයන්ට විනය පියවර ගන්නා බව ලිඛිතව දැනුම් දෙයි.

(UTV | කොළඹ) –

ශ්‍රී ලංකා පොදුජන පෙරමුණේ මතයට විරුද්ධව කටයුතු කරන පක්ෂයේ සාමාජිකයන්ට එරෙහිව විනය පියවර ගැනීමට දේශපාලන මණ්ඩලය ගත් තීරණය, සියලු පාර්ලිමේන්තු මන්ත්‍රීවරුන්ට හා හිටපු පළාත් සභා හා පළාත් පාලන නියෝජිතයින්ට ලිඛිතව දැනුම් දී අතැැයි එම පක්ෂයේ මහ ලේකම් නීතිඥ සාගර කාරියවසම් මහතා පවසයි.

පොදු ජන පෙරමුණෙන් ජනාධිපති අපේක්ෂකයෙකු නම් කිරීමටත් ඊට එරෙහිවී වෙනත් අපේක්ෂකයෙකුට සහය පළ කරන සමාජිකයන් සඳහා විනය පියවර ගැනීමටත් පසුගිය දා රැස්වූ දේශපාලන මණ්ඩලය තීරණය කළ බවද හෙතෙම සඳහන් කරයි. එම තීරණය දේශපාලන මණ්ඩලයේ නොවන සමාජිකයින්ට ලිඛිතව දැනුම් දුන් බව මහලේකම් වරයා සඳහන් කළේය.