විවිධ අපරාධකරුවන්ට රටින් පැන යාම සඳහා ව්යාජ ගුවන් ගමන් බලපත්ර සකස් කිරීමේ සිද්ධියකට අදාළව පුද්ගලයින් තිදෙනෙකු කඩවත සහ හෝමාගම ප්රදේශවල දී අත්අඩංගුවට ගෙන තිබේ.
ගෝනහේන පොලිස් විශේෂ කාර්යය බළකා නිලධාරීන් විසින් සිදුකළ වැටලීමකදී කඩවත ප්රදේශයේදී අදාළ සිද්ධියට සම්බන්ධ පුද්ගලයින් දෙදෙනෙකු අත්අඩංගුවට ගෙන ඇති බව සඳහන්ය.
ඒ අනුව ඔවුන් දෙදෙනාගෙන් සිදුකළ ප්රශ්න කිරීම්වලට අදාළව ඊට ආධාර අනුබල දුන් තවත් සැකකරුවෙකු හෝමාගම ප්රදේශයේ දී අත්අඩංගුවට ගෙන තිබේ.
අත්අඩංගුවට ගත් සැකකරුවන් කිරිල්ලවල, පිළියන්දල සහ පන්නිපිටිය ප්රදේශවල පදිංචිකරුවන් වන අතර ඔවුන්ගෙන් රැඳවුම් නියෝග මත ප්රශ්න කෙරෙන බව පොලීසිය පැවසුවේය.
