(UTV | කොළඹ) – නවසීලන්තයේ ප්රවීන දඟ පන්දු යවන ක්රීඩක ඩැනියෙල් විටෝරි බංග්ලාදේශ පිලේ ශ්රී ලංකා සංචාරයේදී එම කණ්ඩායමේ උපදේශකයෙකු ලෙස යොදා ගැනීමට තීරණය කර ඇති බව වාර්තා වෙයි.
ඒ සඳහා ඔහු දින 100 ක කාලයක් සඳහා එරට ක්රිකට් පාලක මණ්ඩලය සමඟ ගිවිසුමකට එළඹී ඇති අතර, දිනක් සඳහා හිමිවන මුදල ඇමරිකානු ඩොලර් 2,500 ක්.
හිටපු නවසීලන්ත නායක ඩැනියෙල් විටෝරි පසුගිය වසරේ සිම්බාබ්වේ පිලේ බංග්ලාදේශ සංචාරයේදී ද බංග්ලාදේශ කණ්ඩායමේ පන්දු යැවීමේ උපදේශකයෙකු ලෙස කටයුතු කළේය.
ටෙස්ට් තරඟ තුනක සංචාරයක් සඳහා බංග්ලාදේශ කණ්ඩායම ලබන සැප්තැම්බර් 28 වනදා ශ්රී ලංකාවට පැමිණීමට නියමිතයි.
