ජනාධිපතිවරුන්ගේ හිමිකම් අවලංගු කිරීමේ පනත් කෙටුම්පත සම්බන්ධ ශ්රේෂ්ඨාධිකරණ තීන්දුව ලබන සතියේ 09 වැනිදා පාර්ලිමේන්තුවේ සභාගත කිරීමට කථානායකවරයා සැලසුම් කර ඇතැයි වාර්තාවේ..
ඒ අනුව මෙම පනත් කෙටුම්පත ලබන සතිය තුළදී පාර්ලිමේන්තුවේ සම්මත කර ගැනීම රජයේ අපේක්ෂාව වී තිබේ.
ජනාධිපතිවරුන්ගේ හිමිකම් අවලංගු කිරීමේ පනත සම්මත වීමෙන් පසුව විශ්රාම වැටුප හැර හිටපු ජනාධිපතිරු භුක්ති විදින නිවාස පහසුකම් සහ අනෙකුත් බොහෝ වරප්රසාද අහෝසි වීමට නියමිතය.
චන්ද්රිකා කුමාරතුංග, රනිල් වික්රමසිංහ, මෛත්රීපාල සිරිසේන, ගෝඨාභය රාජපක්ෂ සහ හිටපු ජනාධිපති ආර් ප්රේමදාස මහතාගේ බිරිඳ වූ හේමා ප්රේමදාස යන මහත්ම මහත්මීන්, ඔවුන්ගේ පෞද්ගලික නිවාසවල පදිංචිව සිටින අතර හිටපු ජනාධිපති මහින්ද රාජපක්ෂ මහතා තවමත් රජයේ නිල නිවසක පදිංචිව සිටී.
හිටපු ජනාධිපතිවරුන්ගේ හිමිකම් අහෝසි කිරීමට එරෙහිව නීතිමය පියවර ගන්නා බව මුලදී ඔවුන් ප්රකාශ කර තිබුණත් පසුව චන්ද්රිකා බණ්ඩාරනායක කුමාරතුංග,රනිල් වික්රමසිංහ දෙපළ ඒ සඳහා ඉදිරිපත් නොවන බව ප්රකාශ කර තිබිණි.
