ජාතික ජල සම්පාදන හා ජලාපවාහන මණ්ඩලය පානීය ජලය පිරිපහදු කිරීම සඳහා ආනයනය කරන ලද හුණුගල් ආශ්රිත පිරිසිදුකාරක තොගයක් ප්රමිතියෙන් තොර බවට රසායනාගාර පරීක්ෂණවලින් අනාවරණ වී ඇතැයි ශ්රී ලංකා පොදුජන පෙරමුණේ පාර්ලිමේන්තු මන්ත්රී ඩී.වි. චානක මහතා ඊයේ (06) පාර්ලිමේන්තුවේදී ප්රකාශ කළේය.
පාර්ලිමේන්තු මන්ත්රී ඩී.වි. චානක මහතා මෙසේ ද කීවේය. ශ්රී කාවේ වැඩියෙන්ම බීමට ගන්නේ නළ ජලය. මේ ජලය පිරිසිදු කිරීමේදී මාර්ගෝපදේශ තිබෙනවා. ලංකාවට හුණු කන්ටේනර 27ක් ඇවිත් තියෙනවා. මෙට්රික් ටොන් 550ක්. මේක ලංකාවේ රසායනාගාර පරීක්ෂා කිරීමේදී ක්රෝමියම් සංයුතිය 14ක්. මේක කොහොමද ලංකාවට ආවේ. සාමාන්යයෙන් ක්රෝමියම් උපරිම තියෙන්න පුළුවන් මිලිග්රෑම් 10යි. මේ සංඝටකයෙන් පුළුවන් පිළිකා සෛල ඇති කරන්න. වකුගඩු රෝග ඇති කරන්න”.
මෙම චෝදනා සම්බන්ධයෙන් 07 වෙනිදා විෂයභාර අමාත්යවරයා විශේෂ ප්රකාශයක් කරන බව ඊට පිළිතුරු දෙමින් අමාත්ය වසන්ත සමරසිංහ මහතා පැවසීය.
