(UTV | කොළඹ) –
රාජ්ය සේවයේ වැටුප් විෂමතාවන් සම්බන්ධයෙන් කටයුතු කිරීම සඳහා පත්කරන ලද විශේෂඥ කමිටුව වෙත යෝජනා කැඳවීම ආරම්භ කර තිබෙනවා. ඒ අනුව වැටුප් දීමනා සංශෝධනය කිරීම සඳහා වන යෝජනා මෙහිදී භාරගැනීමට නියමිත බවයි ජනාධිපති මාධ්ය අංශය සඳහන් කළේ.
ඊට අදාළ අයදුම්පත්රය ජනාධිපති කාර්යාලයේ නිල වෙබ් අඩවිය වන https://www.presidentsoffice.gov.lk/ යන වෙබ් අඩවියට පිවිසීමෙන් භාගත කරගත හැකි බව සඳහන්. කෙසේවෙතත් සියලු යෝජනාවල PDF ආකෘතියේ මෘදු පිටපතක් පමණක් saec@presidentsoffice.lk යන විද්යුත් තැපෑලයට යොමුකළ යුතු බවයි ජනාධිපති මාධ්ය අංශය සඳහන් කරන්නේ. ඒ අනුව අදාළ යෝජනා අගෝස්තු මස 9 වන දිනට හෝ එදිනට පෙර යොමුකළ යුතු බව ජනාධිපති මාධ්ය අංශය වැඩිදුරටත් සඳහන් කළා.
