(UTV | කොළඹ) – ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පැවසුවේ ඉන්ධන නොමැති වීම හේතුවෙන් පෞද්ගලික බස් රථ ධාවනය 25% ක් දක්වා අඩු වීම නිසා දුර ගමන් සේවා දරුණු ලෙස කඩාවැටීමකට ලක් වූ බවත් කෙටි ගමන් සේවා බස් රථ ධාවනය ද සියයට 25 ක් දක්වා අඩුවී ඇති බවයි.
ඔහු වැඩිදුරටත් සඳහන් කළේ පෞද්ගලික බස් රථ සඳහා අද (28) දිනයේ දී ඉන්ධන ලබා නොදුන්නොත් හෙට දිනයේ දී පූර්ණ වශයෙන් බස් රථ ධාවනය නොවෙනු බවයි.
මේ අතර, විදුලි බල හා බලශක්ති අමාත්ය කංචන විජේසේකර මහතා පැවසුවේ ඉන්ධන හල් අසළ දිගු පෝලිම් නිර්මාණය වීමට හේතුව බෙදා හැරීමේ අඩුපාඩු, ගොඩබෑමේ ප්රමාදයන් සහ ඉන්ධන පිරවුම්හල් මගින් ඇණවුම් සඳහා ගෙවීම් ප්රමාද වීම බවත් ඉදිරි දින 2 තුළ එම පෝලිම් අඩු කිරීමට කටයුතු කරන බවයි.
තවද ඒ පිලිබදව සමාලෝචනය කර ඉදිරි දින 3 තුළ සියලුම නිෂ්පාදනවල අතිරේක තොග බෙදා හැරීමට කටයුතු කරන බවත් අමාත්යවරයා පැවසීය.
