හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ පොලිස් මූල්ය අපරාධ විමර්ශන කොට්ඨාසයෙන් පිටව ගොස් ඇත. පැය හතරක පමණ කාලයක් ශිරන්ති රාජපක්ෂ මහත්මිය එහි රැඳී සිටියාය.
ඒ අනුව සිරිලිය සවිය ව්යාපෘතියට අදාළව පැවැත්වෙන විමර්ශනයට අදාළව ප්රකාශයක් ලබා ගැනීම වෙනුවෙන් ශිරන්ති රාජපක්ෂ මහත්මියට ඉකුත් 27 වන දින මුල්ය අපරාධ විමර්ශන කොට්ඨාසය හමුවේ පෙනී සිටින ලෙස දැනුම් දී තිබුණා.
එසේ වුවත් ඇය සිය නීතිඥවරුන් මාර්ගයෙන් දැනුම් දී තිබුණේ තමාට එහි පෙනී සිටීම වෙනුවෙන් සති දෙකක සහන කාලයක් ලබාදෙන ලෙසයි.
එබැවින් ඇය අද දින මූල්ය අපරාධ විමර්ශන කොට්ඨාසයට පැමිණියාය.
ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා අපරාධ පරීක්ෂණ දෙපාර්තමේන්තුවෙන් පිටව ගොස් තිබේ.
දැනට රැඳවුම් භාරයේ සිටින සංවිධානාත්මක අපරාධ කල්ලි නායක කෙහෙල්බද්දර පද්මේ සමඟ සබඳතා පැවැත්වූ බවට එල්ල වී ඇති චෝදනා සම්බන්ධයෙන් ප්රකාශයක් ලබාදීම සඳහා අද (03) උදෑසන 10.15ට පමණ අපරාධ පරීක්ෂණ දෙපාර්තමේන්තුව හමුවට පැමිණියේය.
