පාර්ලිමේන්තු මන්ත්රීවරුන්ට ලබා දෙන වාහන බලපත්ර (පර්මිට්) නැවැත්වීම සම්බන්ධයෙන් ආණ්ඩුව පුරසාරම් කීවද වාහන බලපත්ර නවත්වන ලද්දේ හිටපු ජනාධිපති ගෝඨාභය රාජපක්ෂ මහතා විසින් 2020 වසරේදී බව ශ්රී ලංකා පොදුජන පෙරමුණේ (SLPP) පාර්ලිමේන්තු මන්ත්රී ඩී.වී. චානක මහතා අද (නොවැම්බර් 13) දිනයේ පාර්ලිමේන්තුවේදී කියා සිටියේ ය.
මන්ත්රීවරයා පාර්ලිමේන්තුව අමතමින් වැඩිදුරටත් සඳහන් කළේ, ගෝඨාභය රාජපක්ෂ රජය 2020 වසරේදී මන්ත්රීවරුන්ට වාහන බලපත්ර නිකුත් කිරීම නැවැත්වීමට තීරණය කළ බවත්, එම වසරින් පසු කිසිදු මන්ත්රීවරයෙකුට බලපත්ර ලැබී නොමැති බවත්ය.
අපි අනුර කුමාර දිසානායක, හරිනි අමරසූරිය සහ විජිත හේරත් මහත්වරුන්ගෙන් අහන්න කැමතියි 2020 දී ඔවුන්ට වාහන පර්මිට් ලැබුණාද කියලා. රජය මන්ත්රීවරුන්ගේ වාහන පර්මිට් නැවැත්වීම ගැන පුරසාරම් දොඩනවා. එය දැනටමත් නතර කර ඇති නිසා රජයට නතර කරන්න දෙයක් නැහැ,” ඔහු අවධාරණය කළේය.
මන්ත්රී ඩී.වී. චානක මහතා මෙහිදී ප්රකාශ කළේ, එම කාලය තුළ වාහන බලපත්ර ලබා දුන්නේ වෛද්යවරුන් සහ ඉංජිනේරුවන් වැනි වෘත්තිකයන්ට පමණක් බවයි.
