රුපියල් ලක්ෂ දොළහක (රු.1,200,000/-ක) මුදලක් අල්ලස් ලෙස ඉල්ලා ලබාගත් කෘෂිකර්ම පර්යේෂණ හා නිෂ්පාදන සහකාරවරයකු අල්ලස් හෝ දූෂණ චෝදනා මත අත්අඩංගුවට ගෙන තිබේ. .
මහව ප්රදේශයේ පුද්ගලයකු විසින් සිදුකරන ලද පැමිණිල්ලකට අනුව සැකකරු අනවසරයෙන් අල්ලාගෙන වගා කටයුතු සිදු කරන අක්කර 20 ක පමණ ප්රමාණයක රජයේ ඉඩමකින් අක්කර 12 ක ප්රමාණයක් පැමිණිළිකරු වෙත වගා කටයුතු සිදු කිරීමට අක්කර බදු ගෙවූ බවට කුවිතාන්සියක් ලබා දී අවශ්ය කටයුතු සිදුකර දීම සඳහා මුදලින් රුපියල් ලක්ෂ 35 ක මුදලක් ඉල්ලා ඉන් ලක්ෂ 10 ක් ලබාගෙන තිබේ. .
අල්ලස් හෝ දූෂණ චෝදනා විමර්ෂණ කොමිසම පවසන්නේ ඉතිරි මුදල ලෙස ලක්ෂ 12 ක මුදලක් ඉල්ලා ලබාගැනීමේ චෝදනාව මත දියළුම ගොවිජන සේවා මධ්යස්ථානයේ කෘෂිකර්ම පර්යේෂණ සහ නිෂ්පාදන සහකාරවරයකු ඊයේ දවල් (16) තණමල්විල , වැල්ලවාය ප්රධාන මාර්ගයේ ඇතිලිවැව නගරයේ අවන්හලක දී අත්අඩංගුවට ගත් බවයි.
