අගමැතිනි හරිනි අමරසූරිය මහත්මියගෙන් සහ ඇයගේ ආරක්ෂක නිලධාරීන්ගෙන් ප්රකාශ සටහන් කරගන්නා ලෙස මාලිගාකන්ද මහේස්ත්රාත් අධිකරණය විසින් අපරාධ පරීක්ෂණ දෙපාර්තමේන්තුවට නියම කර තිබේ.
කොළඹ ජාතික රෝහලට ඇතුළත් කරන ලද හිටපු ජනාධිපති රනිල් වික්රමසිංහ මහතාගේ සුවදුක් බැලීම සඳහා අගමැතිනිය එම රෝහලට ගිය බවට පළවූ සමාජ මාධ්ය පුවත පිළිබඳව සිදුකරන විමර්ශන වලට අදාළවයි.
අගමැතිනියගෙන් හා ඇගේ ආරක්ෂක නිලධාරීන්ගෙන් ප්රකාශ සටහන් කර ගැනීමෙන් පසු අවශ්ය වුවහොත් ජාතික රෝහලේ කැමරා දර්ශන ද පරීක්ෂා කිරීමට අවසර දීමට හැකියාව ඇති බවද අධිකරණය පැවසීය.
රනිල් වික්රමසිංහ මහතාගේ සුව දුක් බැලීමට අගමැතිනිය ගිය බවට පළවූ පුවත අසත්ය බවත් ඒ පිළිබඳව විමර්ශනයක් කරන ලෙසත් ඉල්ලමින් අග්රාමාත්ය ලේකම් කාර්යාලය විසින් කරන ලද පැමිණිල්ලක් මත රහස් පොලිසිය මෙම විමර්ශන සිදු කරයි.
