අත්අඩංගුවට ගැනීම සඳහා වරෙන්තු නිකුත් කර තිබූ හිටපු රාජ්ය අමාත්ය ඩයනා ගමගේ අධිකරණයට ඉදිරිපත් වීමෙන් පසුව රුපියල් මිලියන 10ක ශරීර ඇප මත මුදා හැරීමට කොළඹ මහෙස්ත්රාත් අධිකරණය නියම කළේය.
ඩයනා ගමගේ සිය නීතිඥවරු මාර්ගයෙන් අද (25) අධිකරණයට ඉදිරිපත් වුණි.
විත්තිකාර ඩයනා ගමගේ රුපියල් මිලියන 10 ශරීර ඇපයක් මත මුදාහරින ලෙස කොළඹ ප්රධාන මහෙස්ත්රාත් අසංග. එස්. බෝදරගම නියෝග කළේය.
වලංගු වීසා බලපත්ර නොමැතිව ශ්රී ලංකාවේ රැඳී සිටීම ඇතුළු චෝදනා යටතේ ඩයනා ගමගේ ට, එරෙහිව ගොනුකර තිබූ නඩු 07ක් ඉකුත්දා කැපවූ අවස්ථාවේදී ඇය අධිකරණය හමුවේ පෙනී නොසිටීම නිසා, වරෙන්තු නිකුත් කර තිබිණ.
