අධිවේගී මාර්ගවල ගමන් ගන්නා සියලුම සැහැල්ලු වාහනවල පසුපස ආසනවල සිටින මගීන් ද හෙට (01) සිට ආසන පටි පැළඳීම අනිවාර්ය බව ප්රවාහන සහ මහාමාර්ග අමාත්යාංශය සඳහන් කරයි.
මීට අමතරව අධිවේගී මාර්ගයේ ධාවනය වන සියලුම බස්රථ රියදුරන් මෙන්ම ගමන් ගන්නා සියලුම වාහනවල මගීන් ආසන පටි පැළඳීම අනිවාර්ය කර ඇත..
මාර්ග ආරක්ෂාව තහවුරු කිරීමේ අරමුණින් මෙම නව නීතිය ක්රියාත්මක වන අතර, එය දක්ෂිණ, කොළඹ-කටුනායක, සහ මධ්යම අධිවේගී මාර්ග ඇතුළු දිවයිනේ සියලුම අධිවේගී මාර්ග සඳහා බලපැවැත්වෙනු ඇති.
මෙම නියමයට අනුකූල නොවන රියදුරන්ට සහ මගීන්ට එරෙහිව නීතිය ක්රියාත්මක කරන බවත්, ඒ සම්බන්ධයෙන් පොලිසියට සහ අධිවේගී මාර්ග බලධාරීන්ට උපදෙස් ලබා දී ඇති බවද, ප්රවාහන අමාත්යාංශය වැඩිදුරටත් සඳහන් කරයි.
