පළාත් පාලන ආයතන 250ක පමණ තැපැල් ඡන්ද පත්රිකා මුද්රණය අවසන් කර ඇතැයි රජයේ මුද්රණාලයාධිපති ප්රදීප් පුෂ්පකුමාර මහතා පවසනවා. ඔහු පැවසුවේ හෙට (06) දිනය වනවිට තැපැල් ඡන්ද පත්රිකා මුද්රණය අවසන් කිරීමට අපේක්ෂා කරන බවයි.
මෙවර ඡන්ද විමසීම සඳහා මුද්රණය කෙරෙන තැපැල් ඡන්ද පත්රිකා සංඛ්යාව ලක්ෂ 7 ක්. මේ අතර තැපැල් ඡන්ද පත්රිකා ලබන 07 වැනිදා නිකුත් කරන බව, මැතිවරණ කොමිසම සඳහන් කළා. පළාත් පාලන ඡන්ද විමසීමේ තැපැල් ඡන්දය, ලබන 22, 23, 24 දිනවල පැවැත්වීමට නියමිතයි.
එම දිනවල ඡන්දය ප්රකාශ කිරීමට නොහැකිවන ඡන්ද දායකයින්ට, අප්රේල් 28 හා 29 යන දිනවල ද, ඡන්දය සලකුණු කළ හැකි වනවා.
