ඉදිරි පළාත් පාලන මැතිවරණයේදී හිටපු අමාත්‍ය සහ පාර්ලිමේන්තු මන්ත්‍රී රිෂාඩ් බදියුදීන් මහතාගේ නායකත්වයෙන් යුත් සමස්ත ශ්‍රී ලංකා මහජන කොංග්‍රසය, දිස්ත්‍රික්ක 13 ක් සඳහා තරඟ කිරීම ට, නාම යෝජනා ඉදිරිපත් කර ඇතැයි වාර්තාවේ.
ඒ අනුව, සමස්ත ලංකා මහජන කොංග්‍රසය මන්නාරම, වව්නියාව, මුලතිව්, පුත්තලම, කුරුණෑගල, අනුරාධපුර, මහනුවර, මාතලේ, අම්පාර, මඩකලපුව, ත්‍රිකුණාමලය, කළුතර සහ කොළඹ යන දිස්ත්‍රික්ක සඳහා තරඟ කිරීම සඳහා නාමයෝජනා ඉදිරිපත් කර තිබේ.
එහිදී මොනරා ලකුණ යටතේ තනිව සහ ඇතැම් පළාත් පාලන ආයතන සඳහා සමගි ජන බලවේගයේ දුරකථන ලකුණ යටතේ ඒකාබද්ධව නාමයෝජනා ඉදිරිපත් කර තිබේ.
මන්නාරම දිස්ත්‍රික්කයේ, මන්නාරම නගර සභාව, නානාට්ටන් ප්‍රාදේශීය සභාව, මුසලි ප්‍රාදේශීය සභාව සහ මාන්තෙයි බටහිර ප්‍රාදේශීය සභාව; වවුනියාව දිස්ත්‍රික්කයේ, වවුනියාව නගර සභාව, වවුනියාව උතුර ප්‍රාදේශීය සභාව, වෙන්ගලචෙට්ටිකුලම් ප්‍රාදේශීය සභාව, වවුනියාව දකුණු දෙමළ ප්‍රාදේශීය සභාව සහ වවුනියාව දකුණු සිංහල ප්‍රාදේශීය සභාව; සහ මුලතිව් දිස්ත්‍රික්කයේ, මාන්තෙයි නැගෙනහිර ප්‍රාදේශීය සභාව, තුනුක්කායි ප්‍රාදේශීය සභාව, පුදුකුඩිඉරිප්පු ප්‍රාදේශීය සභාව සහ කරයිතුරයිපත්තු ප්‍රාදේශීය සභාව යන පළාත් පාලන ආයතන සඳහා සමගි ජනබලවේගය සමඟ එක්ව, දුරකථනය ලකුණ යටතේ තරඟ කිරීම සඳහා නාමයෝජනා ඉදිරිපත් කර තිබේ.
පුත්තලම දිස්ත්‍රික්කයේ, පුත්තලම ප්‍රාදේශීය සභාව සහ නාත්තන්ඩිය ප්‍රාදේශීය සභාවල තනි තනිව එහි මොනරා ලකුණ යටතේ තරඟ කිරීමටත්, පුත්තලම මහ නගර සභාව, වනාතවිල්ලුව ප්‍රාදේශීය සභාව, කල්පිටිය ප්‍රාදේශීය සභාව, ආරච්චිකට්ටුව ප්‍රාදේශීය සභාව සහ හලාවත ප්‍රාදේශීය සභාවල සමඟි ජන බලවේගයේ දුරකථනය ලකුණ යටතේ තරඟ කිරීමටත් නාමයෝජනා ඉදිරිපත් කර ඇතැයි සඳහන්.
කුරුණෑගල දිස්ත්‍රික්කයේ, කුරුණෑගල මහ නගර සභාව, කුරුණෑගල ප්‍රාදේශීය සභාව, නාරම්මල ප්‍රාදේශීය සභාව, කුලියාපිටිය ප්‍රාදේශීය සභාව, රිදීගම ප්‍රාදේශීය සභාව, නාරම්මල ප්‍රාදේශීය සභාව සහ පඬුවස්නුවර ප්‍රාදේශීය සභාව සඳහා සමස්ත ලංකා මහජන කොංග්‍රසය විසින් එහි මොනරා ලකුණ යටතේ සහ පොල්ගහවෙල ප්‍රාදේශීය සභාව සඳහා දුරකථන ලකුණ යටතේ සමඟි ජනබලවේගය යටතේ නාමයෝජනා බාර දී තිබේ.
අනුරාධපුර දිස්ත්‍රික්කයේ, සමස්ත ශ්‍රී ලංකා මහජන කොංග්‍රසය, එහි මොනර ලකුණ යටතේ හොරවපොතාන ප්‍රාදේශීය සභාවට තනිවම තරඟ කිරීමටත්, කහටගස්දිගිලිය ප්‍රාදේශීය සභාව, ඉප්පොලෝගම ප්‍රාදේශීය සභාව, කැකිරාව ප්‍රාදේශීය සභාව, කැප්පෙටිකොල්ලාව ප්‍රාදේශීය සභාව සහ බලගල ප්‍රාදේශීය සභාව සඳහා සමගි ජන බලවේගය සමඟ එක්ව දුරකථන ලකුණ යටතේ තරඟ කිරීමටත් නාමයෝජනා ඉදිරිපත් කර ඇත.
මහනුවර දිස්ත්‍රික්කයේ උඩුනුවර ප්‍රාදේශීය සභාව, පූජාපිටිය ප්‍රාදේශීය සභාව, පාතහේවාහැට ප්‍රාදේශීය සභාව, උඩපළාත ප්‍රාදේශීය සභාව සහ යට්ටිනුවර ප්‍රාදේශීය සභාව සඳහා දුරකථන ලකුණ යටතේ තරඟ කිරීම සඳහා නාමයෝජනා ගොනු බාර දී ඇත.
මාතලේ දිස්ත්‍රික්කයේ උකුවෙල ප්‍රාදේශීය සභාව සඳහා සමස්ත ශ්‍රී ලංකා මහජන කොංග්‍රසය මොනරා ලකුණ යටතේ තරඟ කිරීම සඳහා නාමයෝජනා බාර දී තිබේ. අම්පාර දිස්ත්‍රික්කයේ, සමන්තුරෙයි ප්‍රාදේශීය සභාව, කරයිතිව් ප්‍රාදේශීය සභාව, නවිතන්වේලි ප්‍රාදේශීය සභාව, නින්දවූර් ප්‍රාදේශීය සභාව, අට්ටාලචේනයි ප්‍රාදේශීය සභාව, අක්කරෙයිපත්තු නගර සභාව, අක්කරෙයිපත්තු ප්‍රාදේශීය සභාව, පොතුවිල් ප්‍රාදේශීය සභාව සහ ඉරුමම් ප්‍රාදේශීය සභාව සඳහා ස්වාධීනව තරඟ කිරීම සඳහා සමස්ත ශ්‍රී ලංකා මහජන කොංග්‍රසය නාමයෝජනා භාර දුන්නේය.
මඩකලපුව දිස්ත්‍රික්කයේ, කාත්තන්කුඩි නගර සභාව, එරාවූර් නගර සභාව, එරාවුර්පත්තු ප්‍රාදේශීය සභාව, කෝරලයිපත්තු ප්‍රාදේශීය සභාව, කෝරලයිපත්තු බටහිර ප්‍රාදේශීය සභාව සහ කෝරලයිපත්තු උතුර ප්‍රාදේශීය සභාව සඳහා දුරකථන ලකුණ යටතේ තරඟ කිරීම සඳහා සමගි ජන බලවේගය සමඟ නාම යෝජනා බාර දී ඇත.
ත්‍රිකුණාමලය දිස්ත්‍රික්කයේ, සමස්ත ලංකා මහජන කොංග්‍රසය කින්නියා නගර සභාව, කින්නියා ප්‍රාදේශීය සභාව, තඹලගාමම් ප්‍රාදේශීය සභාව, කුචාවලි ප්‍රාදේශීය සභාව, මූදූර් ප්‍රාදේශීය සභාව, චෙරුවිල ප්‍රාදේශීය සභාව සහ මොරවැව ප්‍රාදේශීය සභාව සඳහා තම මොනර ලකුණ යටතේ වෙන වෙනම තරඟ කිරීමට නාමයෝජනා ඉදිරිපත් කර ඇත.
කළුතර දිස්ත්‍රික්කයේ, පානදුර ප්‍රාදේශීය සභාව සහ බණ්ඩාරගම ප්‍රාදේශීය සභාව ට මොනරා ලකුණ යටතේ තනි තරඟ කිරීමට සමස්ත සමස්ත ලංකා මහජන කොංග්‍රසය නාමයෝජනා බාර දී ඇති අතර, බේරුවල නගර සභාව, බේරුවල ප්‍රාදේශීය සභාව සහ කළුතර මහ නගර සභා මැතිවරණවලදී දුරකථනය ලකුණ යටතේ තරඟ කිරීමට සමගි ජන බලවේගය සමඟ ඒකාබද්ධව නාමයෝජනා ඉදිරිපත් කර ඇත.
කොළඹ දිස්ත්‍රික්කයේ කොළොන්නාව නගර සභාවට තරඟ කිරීම සඳහා සමස්ත ලංකා මහජන කොංග්‍රසය මොනරා ලකුණ යටතේ තනිව සහ කොළඹ මහ නගර සභාව සඳහා දුරකථන ලකුණ යටතේ සමගි ජන බලවේගය සමඟ ඒකාබද්ධව නාමයෝජනා ඉදිරිපත් කරන ලදී.
මේ සම්බන්ධයෙන් සමස්ත ශ්‍රී ලංකා මහජන කොංග්‍රසයේ නායක සහ පාර්ලිමේන්තු මන්ත්‍රී රිෂාඩ් බදියුදීන් නිවේදනයක් නිකුත් කරමින් කියා සිටියේ, “ගම් සංවර්ධනය සාක්ෂාත් කරගත හැක්කේ පළාත් පාලන ආයතනවල බලතල හරහා පමණයි. ජාතික දේශපාලනයේ දී අපි විපක්ෂයේ වාඩි වී දේශපාලනය කළත්, අපේ පක්ෂ සබඳතා, මහජනතාව සහ සුභ පතන්නන් ජනාධිපතිවරණයේදී සහ මහ මැතිවරණයේදී උතුරු නැගෙනහිර අපි සහාය දුන් අපේක්ෂකයින්ට අතිමහත් සහයෝගයක් ලබා දුන්නා. කෙසේ වෙතත්, පාලන ක්‍රමයේ වෙනස්කම් හේතුවෙන් අප පසුබෑමකට මුහුණ දී ඇතත්, අපගේ පක්ෂයේ ඡන්ද පදනමේ කිසිදු අඩුවීමක් සිදුවී නොමැත. ඒ ආකාරයෙන්, ඡන්දදායකයින් වන ඔබ, සමාජ සුබසාධනය සිතේ තබාගෙන එකමුතුකමෙන් හා අවබෝධයෙන් ඡන්දය දෙන්නේ නම්, නැවත වරක් බලයට පැමිණ පෙර ටත් වඩා වැඩි මහජන සේවයක් කළ හැකි යැයි ද බදියුදීන් මහතා කීවේය.
